Қаршиликлар биринчи даврани 4-ўринда якунлади. Вакилларимиз биринчи даврадаги 13 беллашувдан 12 тасини ўтказди. Тошкентнинг “Пахтакор” жамоаси билан беллашув эса 15 августда бўлиб ўтиши режалаштирилган.
“Аждарлар” биринчи даврада 12 беллашувда майдонга тушиб, 7 учрашувда ғалаба, 3 марта дуранг ва 2 марта мағлубиятга учрашди. Тўплар нисбати 18-12 ни ташкил этмоқда. Вакилларимиз 24 очко жамлаган ҳолда турнир жадвалида 4 ўринни эгаллаб туришибди.
Ҳусниддин Алиқулов ҳимоячи бўлишига қарамасдан жамоамизнинг биринчи даврадаги тўпурари бўлиб турибди. Унинг ҳисобида 5 гол бор. Ундан кейин Азизбек Амонов 2 та, Матеус Лима Круз 2та, Алибек Давронов 2та, Зафармурод Абдираҳматов 1 та, Ғолиб Ғайбуллаев 1 та, Акмал Мозговой 1 та, Жавоҳир Сидиқов 1 та, Шерзод Насруллаев 1 та ва Ойбек Бозоровнинг ҳисобда ҳам 1 гол бор. “Сурхон”га қарши беллашувда Артём Потапов автогол муаллифига айланган.
Бўлиб ўтган 12 беллашувда Ҳусниддин Алиқулов майдонда 1080 дақиқа ҳаракат қилган. Ундан кейинги оʻринларда Шерзод Насруллаев 1071 дақиқа, Ойбек Бозоров 1049 дақиқа, Абдувоҳид Неъматов 990 дақиқа, Ғолиб Ғайбуллаев 973 дақиқа, Акмал Мозговой 967 дақиқа, Умарбек Эшмуродов 900 дақиқа ҳаракат қилган.
Футболчилар биринчи даврада ҳакамлар томонидан 20 та сариқ карточка ва 3 қизил карточка билан жазоланишган.
Эслатиб ўтамиз, жамоа 9 июль куни Қаршидаги қароргоҳларида йиғилиб, иккинчи даврага тайёргарликни давом эттиради.
