Chorshanba kuni "PSJ" Kristof Galtyeni jamoa bosh murabbiyligidan iste’foga chiqarganini e’lon qildi.
Yaqin soatlar ichida Liga 1 grandi Luis Enrikeni jamoa boshqaruvchisi sifatida taqdim etadi. Dastlab matbuot anjumani mahalliy vaqt bilan 14:00 ga belgilangan edi. Keyinchalik tadbir 16:00 ga (Toshkent vaqti bilan 19:00) ko‘chirildi. Biroq, taqdimot hali boshlanmagan.
Mundo Deportivo xabariga ko‘ra, taqdimotning kechikishiga "PSJ" prezidenti Nosir al-Xelayfiyning parvozi kechiktirilgani sabab bo‘lmoqda.
Luis Enrike o‘tgan yil oxiridan beri ishsiz edi. JCH-2022dan keyin mutaxassis Ispaniya terma jamoasini tark etdi.