Чоршанба куни "ПСЖ" Кристоф Галтьени жамоа бош мураббийлигидан истеъфога чиқарганини эълон қилди.
Яқин соатлар ичида Лига 1 гранди Луис Энрикени жамоа бошқарувчиси сифатида тақдим этади. Дастлаб матбуот анжумани маҳаллий вақт билан 14:00 га белгиланган эди. Кейинчалик тадбир 16:00 га (Тошкент вақти билан 19:00) кўчирилди. Бироқ, тақдимот ҳали бошланмаган.
Mundo Deportivo хабарига кўра, тақдимотнинг кечикишига "ПСЖ" президенти Носир ал-Хелайфийнинг парвози кечиктирилгани сабаб бўлмоқда.
Луис Энрике ўтган йил охиридан бери ишсиз эди. ЖЧ-2022дан кейин мутахассис Испания терма жамоасини тарк этди.