"RB Leypsig" "Lans" hujumchisi Lui Openda bilan shartnoma imzolashga yaqin turibdi.

LVZ Sport nashri xabariga ko‘ra, klublar so‘nggi jahon chempionati ishtirokchisi uchun shartnoma shartlarini kelishib olishgan. Mumkin bo‘lgan transfer summasi oshkor etilmagan. Avvalroq, "buqalar" Fransiya 1-ligasining eng yaxshi hujumchilaridan biri uchun ehtimoliy bonuslarni hisobga olmaganda, 43 million yevro taklif qilgani xabar qilingandi.

O‘tgan chempionatning 38 uchrashuvida Lui Openda 21 ta gol urdi va bu "Lans"ga turnir jadvalida ikkinchi o‘rinni egallashiga yordam berdi.