Yarim himoyachi Marko Asensio "PSJ"ga o‘tishini yakunladi. Parij jamoasi ushbu transfer haqida o‘z saytida rasman e’lon qildi. Ispaniyalik yarim himoyachi 2027 yilning yoziga qadar shartnoma imzoladi.
Eslatib o‘tamiz, Asensio "PSJ"ga erkin agent sifatida o‘tdi. Marko avvalroq “Real”ni tark etgan va u yerda uch marta Chempionlar ligasida g‘olib chiqqan edi. "Qirollik klubi"ning yangi shartnoma bo‘yicha taklifi ispaniyalik futbolchini qoniqtirmadi, futbolchi yangi chaqiruvni qabul qilib, "PSJ"ga o‘tishga qaror qildi, u yerda unga qulayroq shart-sharoitlar va muhim rol taklif qilindi.
Asensio o‘tgan mavsumda 31 ta o‘yinda maydonga tushib, 9 ta gol va 6 ta golli uzatmaga mualliflik qilgan.
