"Arsenal" o‘zining rasmiy sayti orqali yarim himoyachi Reyss Nelson bilan yangi shartnoma imzolaganini e’lon qildi.

Londonliklar odatdagidek futbolchining yangi shartnomasi muddatini ham oshkor qilishmayapti. Matbuot xabarida faqat shartnoma uzoq muddatli ekanligi aytilgan.

23 yoshli Reyss Nelson "Arsenal" akademiyasi bitiruvchisi. "Kanonirlar"ning asosiy jamoasi uchun yarim himoyachi 66 ta o‘yin o‘tkazib, 7 ta gol urgan va sheriklariga 7 ta golli uzatma bergan.

Eslatib o‘tamiz, Angliyaning so‘nggi chempionatida "Arsenal" ikkinchi o‘rinni egallagan edi. Jamoa Chempionlar ligasining guruh bosqichiga yo‘llanma oldi.