"Chelsi"ning hujumkor yarim himoyachisi Xakim Ziyesh hali ham "An-Nasr"da o‘ynashi mumkin.

Marokashlik futbolchining Saudiya Arabistoni klubiga o‘tishi o‘tgan oyda amalga oshishi mumkin edi, ammo tibbiy ko‘rik futbolchining tizzasida muammolar borligini aniqladi. "An-Nasr" Ziyesh bilan sezilarli darajada kamaytirilgan maosh bilan shartnoma imzolashga tayyor edi, bu esa futbolchiga to‘g‘ri kelmadi. Sky Sports xabariga ko‘ra, shu kungacha muzokaralar davom etmoqda. Saudiya giganti yarim himoyachi bilan yangi mehnat shartnomasi shartlarini kelishib olishga harakat qilmoqda.

Eslatib o‘tamiz, "Chelsi" Xakim Ziyeshning transferiga rozi bo‘lgan, chunki ular bo‘lajak mavsumda unga umid bog‘lamaydilar. 30 yoshli futbolchining "ko‘klar" bilan shartnomasi 2025 yilgacha mo‘ljallangan.