"Inter"ning chap qanot himoyachisi Robin Gosens "Bornmut"ning transfer maqsadiga aylandi.

Ingliz klubining 29 yoshli futbolchini qo‘lga kiritish uchun kurashish niyati iyun oyi oxirida ma’lum bo‘ldi. Insayder Nikolo Skiraning yangilangan ma’lumotlariga ko‘ra, ingliz jamoasi aniq harakatga o‘tishni rejalashtirmoqda - ular allaqachon nemis futbolchisi uchun "Inter" uchun rasmiy transfer taklifini tayyorlab qo‘ygan.

Transfermarkt ekspertlari Robin Gosensning narxini 15 million yevroga baholamoqda. Umuman olganda, futbolchi barcha musobaqalarda "neradzurrilar" uchun 58 ta bahs o‘tkazib, beshta gol urgan va bitta golli uzatmaga mualliflik qilgan.