"Chelsi"ning sobiq shifokori Eva Karneyro 2012 yildan beri "ko‘klar" safida o‘ynagan London klubi himoyachisi Sezar Aspilikuetaning ketishiga munosabat bildirdi.
"Sifat, ishonchlilik va fidoyilik" - deb post qoldirdi Karneyro ijtimoiy tarmoqda.
"Chelsi"ni tark etgach, Aspilikueta "Atletiko Madrid" bilan shartnoma imzoladi. Transfermarkt portali xabariga ko‘ra, 33 yoshli futbolchining "matraschilar" bilan kelishuvi 2024 yilning o‘rtalariga qadar mo‘ljallangan.
Umuman olganda, Aspilikueta “Chelsi” safida 508 ta o‘yinda maydonga tushib, 17 ta gol urdi va 56 ta golli uzatmani amalga oshirdi. London klubi tarkibida himoyachi ikki marta Angliya chempionligini qo‘lga kiritdi, shuningdek, Chempionlar ligasi g‘olibiga aylanishga muvaffaq bo‘ldi.
