"Bayer" himoyachisi Edmond Tapsoba Londonning "Tottenxem" klubiga ko‘chib o‘tishi mumkin. Bu haqda insayder Nikolo Skira ijtimoiy tarmoqlarda xabar bermoqda.
Jurnalistning so‘zlariga ko‘ra, tomonlar o‘rtasidagi muzokaralar faol davom etmoqda. Tapsoba - "shporlar"ning markaziy himoyachi uchun asosiy maqsadi.
O‘tgan mavsumda Edmond nemis jamoasi safida 47 ta o‘yinda ishtirok etib, 2 ta gol va bitta golli uzatmani amalga oshirgan. Tomonlar o‘rtasidagi shartnoma 2026 yilning o‘rtalarigacha mo‘ljallangan. Transfermarkt portali uni 30 million yevroga baholamoqda.
