"Manchester Yunayted" "Atalanta" hujumchisi Rasmus Xoylundning transferi bo‘yicha muzokaralarni boshlab yubordi, deb xabar beradi Sky Sports.
Manbaga ko‘ra, "qizil iblislar" 20 yoshli daniyalikni sotib olishga yaqin turibdi. Bitim summasi va o‘yinchi uchun to‘lovlar tuzilishini tomonlar kelishib olishi qoladi.
Xoylund “Atalanta” safida 2022 yilning avgustidan buyon to‘p tepadi. 2022/23 yilgi mavsumda hujumchi Italiya jamoasi safida 34 ta o‘yinda maydonga tushib, 10 ta gol urdi va 4 ta golli uzatmani amalga oshirdi.
Transfermarkt.com portali futbolchining narxini 45 million yevroga baholamoqda.
