"Манчестер Юнайтед" "Аталанта" ҳужумчиси Расмус Хойлунднинг трансфери бўйича музокараларни бошлаб юборди, деб хабар беради Sky Sports.
Манбага кўра, "қизил иблислар" 20 ёшли данияликни сотиб олишга яқин турибди. Битим суммаси ва ўйинчи учун тўловлар тузилишини томонлар келишиб олиши қолади.
Хойлунд “Аталанта” сафида 2022 йилнинг августидан буён тўп тепади. 2022/23 йилги мавсумда ҳужумчи Италия жамоаси сафида 34 та ўйинда майдонга тушиб, 10 та гол урди ва 4 та голли узатмани амалга оширди.
Transfermarkt.com портали футболчининг нархини 45 миллион еврога баҳоламоқда.
