“Lion”ning 31 yoshli yarim himoyachisi Tyago Mendes Qatarning “Ar-Rayyan” klubi safiga qo‘shildi.
Futbolchining transferi haqida Yaqin Sharq jamoasi matbuot xizmati xabar bermoqda, transfer tafsilotlari hozircha oshkor etilmagan.
Eslatib o‘tamiz, Mendes to‘rt yil avval "Lion"ga kelib qo‘shilgandi, uning "sherlar" bilan shartnomasi yana ikki mavsumga amal qiladi. “Lion”ga o‘tishdan oldin u “Lill” bilan Fransiya chempionligini qo‘lga kiritgan.
Fransiya chempionatining so‘nggi mavsumida “Lion” turnir jadvalida bor-yo‘g‘i yettinchi o‘rinni egalladi va kelasi mavsumda yevrokuboklarda ishtirok etish huquqini boy berdi.
