"Bavariya"ning sobiq himoyachisi Deyli Blind faoliyatini Kataloniyaning "Jirona" klubida davom ettiradi, deb xabar beradi ispan klubi rasmiy sayti.
33 yoshli niderlandiyalik futbolchi 2025 yilgacha mo‘ljallangan shartnoma imzoladi. Yozda uning yanvar oyidan beri o‘ynab kelayotgan "Bavariya" bilan shartnomasi tugadi.
Blind myunxenliklar safida 5 ta o‘yinda maydonga tushdi va bu uchrashuvlarda u samarali harakatlari bilan ajralib turmadi. Bungacha himoyachi "Ayaks", "Groningen" va "Manchester Yunayted" klublarida to‘p tepgan.