"Бавария"нинг собиқ ҳимоячиси Дэйли Блинд фаолиятини Каталониянинг "Жирона" клубида давом эттиради, деб хабар беради испан клуби расмий сайти.
33 ёшли нидерландиялик футболчи 2025 йилгача мўлжалланган шартнома имзолади. Ёзда унинг январь ойидан бери ўйнаб келаётган "Бавария" билан шартномаси тугади.
Блинд мюнхенликлар сафида 5 та ўйинда майдонга тушди ва бу учрашувларда у самарали ҳаракатлари билан ажралиб турмади. Бунгача ҳимоячи "Аякс", "Гронинген" ва "Манчестер Юнайтед" клубларида тўп тепган.