"Sevilya"ning hujumkor yarim himoyachisi Alexandro Gomes yaqin kelajakda jamoani tark etish niyatida emas.
O‘tgan mavsum so‘nggida matbuotda Andalusiya klubining 35 yoshli futbolchidan ajralishi mumkinligi haqida mish-mishlar paydo bo‘lgandi. Qayd etilishicha, tomonlar 2024 yilning iyunigacha hisoblangan shartnomani bekor qilishlari mumkin. Ammo, insayder Nikolo Skiraning so‘zlariga ko‘ra, bu ma’lumotlarning haqiqatga aloqasi yo‘q, chunki argentinalik tajribali o‘yinchi kelasi mavsumda “Sevilya”da qolmoqchi.
Alexandro Gomes 2021 yil boshida "Atalanta"dan "Sevilya"ga ko‘chib o‘tgandi. So‘nggi mavsumda futbolchi 27 ta o‘yin o‘tkazib, bitta gol va ikkita golli uzatmaga mualliflik qilgan.
