"Севилья"нинг ҳужумкор ярим ҳимоячиси Алехандро Гомес яқин келажакда жамоани тарк этиш ниятида эмас.

Ўтган мавсум сўнггида матбуотда Андалусия клубининг 35 ёшли футболчидан ажралиши мумкинлиги ҳақида миш-мишлар пайдо бўлганди. Қайд этилишича, томонлар 2024 йилнинг июнигача ҳисобланган шартномани бекор қилишлари мумкин. Аммо, инсайдер Николо Скиранинг сўзларига кўра, бу маълумотларнинг ҳақиқатга алоқаси йўқ, чунки аргентиналик тажрибали ўйинчи келаси мавсумда “Севилья”да қолмоқчи.

Алехандро Гомес 2021 йил бошида "Аталанта"дан "Севилья"га кўчиб ўтганди. Сўнгги мавсумда футболчи 27 та ўйин ўтказиб, битта гол ва иккита голли узатмага муаллифлик қилган.