"Manchester Yunayted" yarim himoyachisi Donni van de Bek hozirda o‘z kelajagi borasidagi imkoniyatlarini o‘rganmoqda. Bu haqda nufuzli insayder Fabrisio Romano ijtimoiy tarmoqlar orqali xabar tarqatdi.
Manbaning yozishicha, mish-mishlarga qaramay, van de Bek "Roma" bilan aloqada emas.
26 yoshli Donni van de Bekning "Manchester Yunayted" bilan amaldagi shartnomasi 2025 yilning iyun oyi oxirigacha amal qiladi. Transfermarkt portali niderlandiyalik futbolchini 13 million yevroga baholamoqda.
Umuman olganda, van de Bek "qizil iblislar" safida 60 ta o‘yin o‘tkazib, ikkita gol urdi va ikkita golga assistentlik qildi.