Turinning "Yuventus" klubi "Lasio"ning serbiyalik yarim himoyachisi Sergey Milinkovich-Savich bilan shaxsiy shartnoma borasida dastlabki kelishuvga erishdi.

"Keksa sinyora" to‘liq transfer bo‘yicha rimliklar bilan muzokaralar olib borishi kerak, deya xabar bermoqda jurnalist Nikolo Skira.

Manbaga ko‘ra, "Yuventus" serbiyalik futbolchiga yiliga 5,5 million yevro maosh bilan 2027 yilgacha shartnoma taklif qilgan va bu futbolchiga ma’qul kelgan. Endi klublar transfer narxini kelishib olishlari kerak. "Lasio" Milinkovich-Savichni sotish uchun 30-40 million yevro talab qilmoqda, muzokaralar davom etmoqda. Rim klubi ham Sergeyni shartnomani uzaytirishga ko‘ndirishga harakat qiladi, ammo bu juda qiyin bo‘ladi.

Milinkovich-Savich o‘tgan mavsumda rimliklar safida barcha musobaqalarda 47ta o‘yinda maydonga tushib, 11ta gol urdi va 8ta golga assistentlik qildi. Uning "Lasio" bilan shartnomasi kelasi yili yakuniga yetadi.