Aftidan, vinger Villian “Fulxem”da o‘ynashda davom etadi. Football Insider xabariga ko‘ra, 34 yoshli braziliyalik London klubi bilan shartnomasini uzaytirishga yaqin turibdi.

Ilgari Villian “Fulxem” bilan yangi shartnoma imzolashdan bosh tortgan bo‘lsa, endi tomonlar til topisha olishdi, deya ta’kidlaydi manba.

Villian o‘tgan mavsumda “Fulxem” safida 30 ta o‘yinda maydonga tushdi. Ularda braziliyalik futbolchi beshta gol urdi va sheriklariga oltita golli uzatmani amalga oshirdi. Londonliklar Angliya chempionatida 10-o‘rinni egalladi.