Афтидан, вингер Виллиан “Фулхэм”да ўйнашда давом этади. Football Insider хабарига кўра, 34 ёшли бразилиялик Лондон клуби билан шартномасини узайтиришга яқин турибди.
Илгари Виллиан “Фулхэм” билан янги шартнома имзолашдан бош тортган бўлса, энди томонлар тил топиша олишди, дея таъкидлайди манба.
Виллиан ўтган мавсумда “Фулхэм” сафида 30 та ўйинда майдонга тушди. Уларда бразилиялик футболчи бешта гол урди ва шерикларига олтита голли узатмани амалга оширди. Лондонликлар Англия чемпионатида 10-ўринни эгаллади.
