"Kristal Pelas"ning sobiq hujumchisi Vilfred Zaxa "Napoli" bilan shartnoma imzolashi mumkin.
The Guardian xabariga ko‘ra, 30 yoshli ivuarlik Saudiya Arabistoni vakili "An-Nasr" taklifini rad etgan. Uni "Napoli" va "Galatasaroy" ham o‘z safida ko‘rmoqchi.
Zaxaning “Kristal Pelas” bilan shartnomasi shu yozda yakuniga yetdi. U 2013 yildan buyon londonliklar safida o‘ynab kelayotgan edi. 2022/23 yilgi mavsumda hujumchi barcha turnirlarda 28 ta o‘yinda maydonga tushib, 7 ta gol urdi va 3 ta golli uzatmani amalga oshirdi.