"Qo‘qon-1912"ning yangi a’zosi Rustam Nortojiyev jamoaga kelib qo‘shilishi va maqsadlari haqida gapirib o‘tdi.
“Ota shahrimda o‘ynash imkoniga ega bo‘lganimdan xursandman. Bu mening orzuim edi. “Qo‘qon-1912» jamoasidan qiziqish bo‘lganidan xursand bo‘ldim. Menga jamoa murabbiylari taklif bilan chiqishdi. Biz ular bilan mavsumdagi vazifani muhokama qildik va tezda kelishuvga erishdik. Jamoadagi har bir inson “Qo‘qon-1912»ni Superliga olib chiqishni maqsad qilgan. Men ham ularga qo‘ldan kelgancha yordam berishga harakat qilaman. Jamoadagi futbolchilar meni juda iliq kutib olishdi. Men ularning ko‘pi bilan tanish bo‘lganim uchun jamoaga moslashib ketishim qiyin bo‘lmadi. “Qo‘qon-1912» jamoasining ko‘plab sodiq muxlislari borligini bilaman. Ularning barchasini hurmat qilaman. Ular uy va safar uchrashuvlarida jamoani ajoyib tarzda qo‘llab turishadi va bu ajoyib atmosfera hosil qiladi”, - dedi qo‘qonliklarning yangi darvozaboni.
