Ispaniyalik afsonaviy futbolchi Luis Suares Miramontes hayotdan ko‘z yumdi. "Oltin to‘p" sovrinini qo‘lga kiritgan sobiq o‘yinchi 88 yoshida bu olamni tark etdi.

Miramontes faoliyati davomida «Deportivo», «Espanya Indastrial», «Barselona», «Inter» va «Sampdoriya» klublarida to‘p tepgan.

U «Barselona» safida ikki martadan Ispaniya chempionati va Ispaniya kubogida g‘olib chiqqan. Luis «Inter» bilan A seriyada 3 marta g‘alaba qozongan. Shuningdek, uning hisobida Yevropa chempionlar kubogi va qit’alararo kubok ham bor edi. Miramontes 1964 yilda Ispaniya terma jamoasi bilan Yevropa chempioniga aylangan.

Suares 1960 yilda «Oltin to‘p»ni qo‘lga kiritgan. U murabbiylik faoliyat davomida «Inter», «Sampdoriya», SPAL, «Komo», «Deportivo», «Albasete», Ispaniya U21 va Ispaniya milliy jamoalarini boshqargan.