Испаниялик афсонавий футболчи Луис Суарес Мирамонтес ҳаётдан кўз юмди. "Олтин тўп" совринини қўлга киритган собиқ ўйинчи 88 ёшида бу оламни тарк этди.

Мирамонтес фаолияти давомида «Депортиво», «Эспанья Индастриал», «Барселона», «Интер» ва «Сампдория» клубларида тўп тепган.

У «Барселона» сафида икки мартадан Испания чемпионати ва Испания кубогида ғолиб чиққан. Луис «Интер» билан А серияда 3 марта ғалаба қозонган. Шунингдек, унинг ҳисобида Европа чемпионлар кубоги ва қитъалараро кубок ҳам бор эди. Мирамонтес 1964 йилда Испания терма жамоаси билан Европа чемпионига айланган.

Суарес 1960 йилда «Олтин тўп»ни қўлга киритган. У мураббийлик фаолият давомида «Интер», «Сампдория», СПАЛ, «Комо», «Депортиво», «Альбасете», Испания U21 ва Испания миллий жамоаларини бошқарган.