"Bavariya" himoyachisi Lyuka Ernandes "PSJ"ga o‘tdi.
27 yoshli fransiyalik parijliklar bilan 2028 yilgacha mo‘ljallangan shartnoma imzoladi.
Ernandes myunxenliklar safida 2019 yildan beri o‘ynab kelayotgan edi. U jamoa safida 107 ta o‘yin o‘tkazib, 2 ta gol urdi va 8 ta golli uzatmani amalga oshirdi. U 4 marta Germaniya chempioni bo‘ldi, Chempionlar ligasi va UYEFA Superkubogini qo‘lga kiritdi.
Transfermarkt portali himoyachining narxini 45 million yevroga baholamoqda.