"Barselona" "Atletiko Paranaense" hujumchisi Vitor Roke bilan shartnoma imzoladi.
Avvalroq ma’lum bo‘lganidek, 18 yoshli futbolchi transferi uchun 40 million yevrodan ko‘proq pul to‘lanadi.
Insayder Fabrisio Romanoning yangilangan hisobotiga ko‘ra, kelishuv klublar va futbolchi tomonidan imzolangan barcha kerakli hujjatlar bilan yakunlandi. Transferni yopiq deb hisoblash mumkin.
Vitor Roke "Atletiko Paranaense" safida joriy Braziliya A Seriyasining 13 o‘yinida 7 ta gol urdi va 2 ta golli uzatmani amalga oshirdi. Transfermarkt portali hujumchining narxini 18 million yevroga baholamoqda.
