"Барселона" "Атлетико Паранаэнсе" ҳужумчиси Витор Роке билан шартнома имзолади.
Аввалроқ маълум бўлганидек, 18 ёшли футболчи трансфери учун 40 миллион евродан кўпроқ пул тўланади.
Инсайдер Фабрицио Романонинг янгиланган ҳисоботига кўра, келишув клублар ва футболчи томонидан имзоланган барча керакли ҳужжатлар билан якунланди. Трансферни ёпиқ деб ҳисоблаш мумкин.
Витор Роке "Атлетико Паранаэнсе" сафида жорий Бразилия А Сериясининг 13 ўйинида 7 та гол урди ва 2 та голли узатмани амалга оширди. Transfermarkt портали ҳужумчининг нархини 18 миллион еврога баҳоламоқда.
