Madridning “Atletiko” klubi hujumchisi Alvaro Morata faoliyatini Italiya yoki Saudiya Arabistonida davom ettirishi mumkin.
Ispaniyalik futbolchi uchun asosiy da’vogar "Milan" deb qaralmoqda, ammo "rossonerilar"ning qiziqishi cheklanmagan. Ayni damda 30 yoshli futbolchi uchun "Roma" va Saudiyaning "Al-Hilol" klublari ham kurashmoqda, deya xabar beradi Marca va hujumchining kelajagi shu haftadayoq hal bo‘lishi mumkin.
Transfermarkt Alvaro Morataning transfer narxini 20 million yevroga baholagan. Futbolchining "Atletiko" bilan shartnomasi kelasi yili nihoyasiga yetadi. O‘tgan mavsumda Morata "matraschilar" safida 45 ta o‘yinda maydonga tushib, 15 ta gol urishga muvaffaq bo‘ldi.