"Chelsi"ning chap qanot himoyachisi Mark Kukurelya "Tottenxem"ning radariga tushdi.
24 yoshli futbolchi "Chelsi"da debyut mavsumini yaxshi o‘tkazmadi, bu esa uning klubda qolishini shubha ostiga qo‘ydi. Football Transfer xabariga ko‘ra, vaziyat "Tottenxem" tomonidan sinchkovlik bilan o‘rganilmoqda, ular qulay sharoitlarda ispaniyalik uchun kurashga qo‘shilishga tayyor. Shuningdek, unga "Nyukasl" ham qiziqish bildirmoqda.
Mark Kukurelya o‘tgan yozda "Brayton"dan 65,3 million yevro evaziga "Chelsi"ga o‘tgan edi. Transfermarkt ma’lumotlariga ko‘ra, himoyachining hozirgi narxi 35 million yevroni tashkil qiladi.