"Челси"нинг чап қанот ҳимоячиси Марк Кукурелья "Тоттенхэм"нинг радарига тушди.

24 ёшли футболчи "Челси"да дебют мавсумини яхши ўтказмади, бу эса унинг клубда қолишини шубҳа остига қўйди. Football Transfer хабарига кўра, вазият "Тоттенхэм" томонидан синчковлик билан ўрганилмоқда, улар қулай шароитларда испаниялик учун курашга қўшилишга тайёр. Шунингдек, унга "Ньюкасл" ҳам қизиқиш билдирмоқда.

Марк Кукурелья ўтган ёзда "Брайтон"дан 65,3 миллион евро эвазига "Челси"га ўтган эди. Transfermarkt маълумотларига кўра, ҳимоячининг ҳозирги нархи 35 миллион еврони ташкил қилади.