Joriy yilning 11 iyul kuni 2023 yilgi mavsum Superliga, Pro liga, Ayollar futboli, Birinchi liga va hakamlik sohasida faoliyat yuritib kelayotganlar uchun yozgi o‘quv-yig‘in mashg‘ulotlari bo‘lib o‘tishi rejalashtirilgan.
Ahamiyatli jihati shundaki, ushbu yig‘in bu safar viloyatlar kesimida amalga oshirilmoqda va hududiy futbol assosiasiyalari tomonidan o‘tkazilishi rejalashtirilgan.
Demak, yig‘in quyidagi FAlar kesimida bo‘lib o‘tadi:
— Andijon, Namangan va Farg‘ona viloyati hakamlari Farg‘ona shahrida;
— Toshkent viloyati va Toshkent shahri hakamlari Toshkent shahrida;
— Sirdaryo, Samarqand va Jizzax viloyati hakamlari Jizzax shahrida;
— Qashqadaryo va Surxondaryo viloyati hakamlari Qarshi shahrida;
— Buxoro va Navoiy viloyati hakamlari Buxoro shahrida;
— Xorazm va Qoraqalpog‘iston Respublikasi hakamlari Urganch shahrida yig‘in o‘tkazishi ko‘zda tutilgan.
O‘quv-mashg‘ulot yig‘ini tonggi soat 7:00 da jismoniy mashg‘ulotlar bilan boshlanib, 10:30 da nazariy darslar bilan davom ettiriladi.
