Daniyalik "Orxus" himoyachisi Yann Bissek shu hafta "Inter"ga o‘tishdan oldin tibbiy ko‘rikdan o‘tadi, deya xabar beradi insayder Fabrisio Romano.
Manbaning xabariga ko‘ra, italiyaliklar 22 yoshli germaniyalik bilan uzoq muddatli shartnoma imzolaydi, uning muddati haqida ma’lumot berilmagan.
Qayd etilishicha, "Inter" Bissekning shartnomasida ko‘rsatilgan 7 million yevro tovon pulini faollashtirgan. "Neradzurrilar" "Orxus"ga bu summani ikki bo‘lib to‘laydi.
Bissek o‘tgan mavsumda 35 ta o‘yinda 5 ta gol urdi va 1 ta golli uzatmani amalga oshirdi.