"Liverpul" bosh murabbiyi Yurgen Klopp "Nissa" yarim himoyachisi Kefren Tyuramni yozda transfer qilishga jiddiy bel bog‘lagan. Fichajes o‘z sahifalarida bu haqda xabar berdi.

Shu bilan birga, avvalroq matbuotda 22 yoshli futbolchining yuqori maosh talabi tufayli Tyuramning "Liverpul"ga o‘tishi barbod bo‘lishi mumkinligi haqida ma’lumotlar paydo bo‘lgandi.

Nufuzli transfermarkt portali mutaxassislari Kefren Tyuramni 40 million yevroga baholamoqda. Yarim himoyachi "Nissa" tarkibida 138 ta o‘yin o‘tkazib, 8 ta gol urgan va 11 ta golli uzatmani sheriklariga bergan.