Praganing “Slaviya” klubi yarim himoyachisi David Yurasek faoliyatini Portugaliya chempionatida davom ettiradi.
Lissabonning "Benfika" klubi 22 yoshli futbolchining yangi klubiga aylandi. Tomonlar 2028 yilning o‘rtalarigacha hisoblangan uzoq muddatli mehnat shartnomasini tuzdilar. Bu haqda "burgutlar"ning rasmiy sayti xabar berdi.
O‘tgan mavsumda Yurasek Chexiya chempionatining 31ta o‘yinida qatnashib, ikkita gol va 7ta golli uzatmaga mualliflik qilgan. Yarim himoyachi “Slaviya” bilan birgalikda 2022/2023 yilgi mavsumda mamlakat kubogini qo‘lga kiritgan.
David Chexiya terma jamoasi safida mart oyida Polshaga qarshi (3:1) debyut qilgan.