Праганинг “Славия” клуби ярим ҳимоячиси Давид Юрасек фаолиятини Португалия чемпионатида давом эттиради.
Лиссабоннинг "Бенфика" клуби 22 ёшли футболчининг янги клубига айланди. Томонлар 2028 йилнинг ўрталаригача ҳисобланган узоқ муддатли меҳнат шартномасини туздилар. Бу ҳақда "бургутлар"нинг расмий сайти хабар берди.
Ўтган мавсумда Юрасек Чехия чемпионатининг 31та ўйинида қатнашиб, иккита гол ва 7та голли узатмага муаллифлик қилган. Ярим ҳимоячи “Славия” билан биргаликда 2022/2023 йилги мавсумда мамлакат кубогини қўлга киритган.
Давид Чехия терма жамоаси сафида март ойида Польшага қарши (3:1) дебют қилган.
