Moskvaning “Spartak” klubi rahbariyati Londonning “Tottenxem” klubi himoyachisi Devinson Sanches uchun qancha mablag‘ to‘lashga tayyorligi ma’lum bo‘ldi.
Legalbet xabariga ko‘ra, "qizil-oqlar" 27 yoshli kolumbiyalik futbolchini sotib olish uchun 8-10 million yevro ajratadi.
Moskvaliklarning janubiy amerikalik futbolchi uchun bahsdagi raqibi Istanbulning "Galatasaroy" jamoasidir.
Devinson 2017 yildan beri "Tottenxem"da o‘ynab kelmoqda. Sanches o‘tgan mavsumda londonliklar safida 24 ta o‘yinda maydonga tushib, gol urmagan.
Himoyachi va britaniyaliklar o‘rtasidagi amaldagi mehnat shartnomasi muddati 2024 yilning iyun oyi oxirigacha hisoblangan.