La Liga "Valensiya" muxlislarining Eder Militaoga nisbatan irqchiliklari haqida sudga xabar berdi.
Eslatib o‘tamiz, o‘tgan mavsumda La Liga doirasidagi o‘yinda "Valensiya" muxlislari "Real" vingeri Vinisius Juniorni "maymun" deb haqorat qilishgan, shu sababli o‘yin 8 daqiqaga to‘xtatilgan edi.
Hozirda sudda Vinisiusga qarshi irqchilik ishi ko‘rib chiqilmoqda. Cope nashri xabariga ko‘ra, La Liga sudga xat yo‘llab, unda "Mestalya" tribunasidan irqchilikka asoslangan haqoratlar madridliklar himoyachisi Eder Militaoga ham aytilgan. Liga chora ko‘rishni talab qildi va o‘z vakiliga sudda nutq so‘zlash imkoniyatini so‘radi.
Oldinroq "Valensiya" "Real" bilan o‘yinda irqchilik ko‘rsatgani uchun 45 000 yevro jarima va "Mestalya" tribunalaridan birini 5 o‘yinga yopib qo‘ygandi, biroq keyinchalik jazo 3 o‘yinga qisqartirildi va 27 000 yevro miqdorida jarima belgilandi.
