Yarim himoyachi Pyotr Zelinski "Napoli"ni Saudiya klubiga o‘zgartirishi mumkin.
CalcioMercato xabariga ko‘ra, 29 yoshli polyakning transferi bo‘yicha muzokaralarni Jidda shahridan "Al-Ahli" olib bormoqda.
Zelinskiga mavsumiga 12 million yevro maosh bilan 3 yillik shartnoma taklif qilinmoqda. "Napoli" bu transfer uchun 20 dan 25 million yevrogacha olishi mumkin.
A Seriya chempioni uchun bu yaxshi kelishuv bo‘lishi mumkin, chunki futbolchining amaldagi shartnomasi bir yildan keyin tugaydi.
Eslatib o‘tamiz, “Al-Ahli” yaqinda Angliyaning “Liverpul” klubida uzoq vaqt to‘p tepgan mashhur hujumchi Roberto Firmino bilan shartnoma imzolagandi.
