“Navbahor”ning 1-davrada qayd etgan statistik natijalari bilan tanishtirishda davom etamiz.

O‘zingizga ma’lum, “lochinlar” davralar oralig‘idagi tanaffusga turnir peshqadami sifatida chiqib ketishdi. Albatta, bunday ijobiy natijaga erishish ortida klub rahbariyati, jamoa murabbiylar shtabi va futbolchilarning ulkan mehnatlari samarasi yotibdi.

Ko‘pchilikka ma’lum, g‘alaba qozonishda maydonda harakat qiladigan o‘yinchilarning hissasi muhim omil sanaladi.

Xo‘sh, “Navbahor”ning Soca Cola Superligasi 1-davrasidagi bahslarida maydonda kim qancha harakat qildi? Birinchi davra o‘yinlarida “Navbahor” tarkibida 18 nafar futbolchi maydonga tushdi.

Ulardan 2 nafari, ya’ni, 32 yoshli tajribali darvozabon O‘tkir Yusupov, shuningdek, 32 yoshli tajribali himoyachi Igor Golban ortda qolgan 13 ta bahsda to‘liq, ya’ni, 1170 daqiqa davomida maydonda harakat qilishdi.

Bundan tashqari, yana 3 nafar futbolchi, ya’ni, Jamshid Iskanderov, Temurxo‘ja Abduxoliqov va  Asadbek Sobirjonovlar ham 13 ta o‘yinda maydonga tushishdi, ammo mazkur o‘yinchilar ayrim bahslarda almashtirildilar yoki zaxiradan maydonga tushdilar.

“Navbahor” PFK matbuot xizmati.