"Manchester Siti" markaziy himoyachisi Emerik Laport "Yuventus"ning transfer maqsadi bo‘lib qolmoqda.
Gleyson Bremer yoki Leonardo Bonuchchi "keksa sinyora" safini tark etishi mumkin, bu holda klub Laportni qo‘lga kiritish uchun barcha imkoniyatlarni ishga soladi, deb xabar beradi jurnalist Nikola Balis. Qayd etilishicha, “Yuventus” 29 yoshli ispaniyalikni sotib olish imkoniyati bilan ijaraga olmoqchi, “Manchester Siti” esa 30 million yevro evaziga to‘liq transferni talab qilmoqda. Avvalroq, "byankonerilar" rahbariyati bunday narxni juda yuqori deb hisoblayotgani xabar qilingandi.
Mish-mishlarga ko‘ra, Gleyson Bremerga Premyer-liga vakillari qiziqish bildirmoqda va Leonardo Bonuchchi transferga qo‘yilishi mumkin, chunki u Massimiliano Allegrining rejalariga kiritilmagan.