"Манчестер Сити" марказий ҳимоячиси Эмерик Лапорт "Ювентус"нинг трансфер мақсади бўлиб қолмоқда.
Глейсон Бремер ёки Леонардо Бонуччи "кекса синьора" сафини тарк этиши мумкин, бу ҳолда клуб Лапортни қўлга киритиш учун барча имкониятларни ишга солади, деб хабар беради журналист Никола Балис. Қайд этилишича, “Ювентус” 29 ёшли испанияликни сотиб олиш имконияти билан ижарага олмоқчи, “Манчестер Сити” эса 30 миллион евро эвазига тўлиқ трансферни талаб қилмоқда. Аввалроқ, "бьянконерилар" раҳбарияти бундай нархни жуда юқори деб ҳисоблаётгани хабар қилинганди.
Миш-мишларга кўра, Глейсон Бремерга Премьер-лига вакиллари қизиқиш билдирмоқда ва Леонардо Бонуччи трансферга қўйилиши мумкин, чунки у Массимилиано Аллегрининг режаларига киритилмаган.