"Vest Xem" hujumchisi Janluka Skamakkaga "Yuventus" qiziqish bildirmoqda.
Yaqinda OAVda Dushan Vlaxovichning "PSJ"ga o‘tishi mumkinligi haqida xabarlar paydo bo‘ldi. Sky Sports xabariga ko‘ra, "Yuventus" Skamakkani serbning o‘rnini bosadigan futbolchi sifatida aniqlagan. Turinliklar rahbariyati allaqachon Italiya terma jamoasining 24 yoshli forvardi bilan shartnoma imzolash imkoniyatini o‘rganmoqda, biroq Vlaxovich sotilgan taqdirdagina aniq qadamlar qo‘yiladi.
Avvalroq, Janluka Skamakkaga "Milan" va "Roma"dan qiziqish borligi haqida xabarlar tarqalgan edi. Eslatib o‘tamiz, o‘tgan yozda "Vest Xem" futbolchini "Sassuolo"dan 36 million evroga sotib olgandi. Italiyalik futbolchi "bolg‘achilar" safida 27 ta o‘yin o‘tkazib, 8 ta gol urgan.