"Вест Хэм" ҳужумчиси Жанлука Скамаккага "Ювентус" қизиқиш билдирмоқда.
Яқинда ОАВда Душан Влаховичнинг "ПСЖ"га ўтиши мумкинлиги ҳақида хабарлар пайдо бўлди. Sky Sports хабарига кўра, "Ювентус" Скамаккани сербнинг ўрнини босадиган футболчи сифатида аниқлаган. Туринликлар раҳбарияти аллақачон Италия терма жамоасининг 24 ёшли форварди билан шартнома имзолаш имкониятини ўрганмоқда, бироқ Влахович сотилган тақдирдагина аниқ қадамлар қўйилади.
Аввалроқ, Жанлука Скамаккага "Милан" ва "Рома"дан қизиқиш борлиги ҳақида хабарлар тарқалган эди. Эслатиб ўтамиз, ўтган ёзда "Вест Хэм" футболчини "Сассуоло"дан 36 миллион эврога сотиб олганди. Италиялик футболчи "болғачилар" сафида 27 та ўйин ўтказиб, 8 та гол урган.