Ta’tildan so‘ng yulduz hujumchi Krishtianu Ronaldu "An-Nasr"ga qaytdi va jamoa bilan mashg‘ulotlarni boshladi. Bu haqda 38 yoshli portugaliyalik ijtimoiy tarmoqlarda post qoldirdi. Ronaldu bir nechta suratlarni joylashtirdi va qaytib kelganidan xursand ekanligini yozdi.

Krishtianu Ronaldu 2023 yil boshidan buyon riyodliklar safida to‘p tepmoqda. Saudiya klubi safida 19 uchrashuvda portugaliyalik hujumchi 14 ta gol urdi va sheriklariga ikkita samarali uzatma berdi.

Saudiya Arabistonida futbol mavsumi avgust oyida boshlanadi. “An-Nasr” chempionatning so‘nggi mavsumini ikkinchi pog‘onada yakunladi.