«Roma» hujumchisi Eldor Shomurodov faoliyatini «Lechche»da davom ettirishi mumkin. Joze Mourinyoning rejalaridan o‘rin olmayotgan o‘zbekistonlik futbolchiga «Lechche» klubi qiziqish bildirmoqda.
"La Gazzetta dello Sport" tarqatgan xabarga ko‘ra, rimliklar Shomurodov uchun yangi jamoa qidirmoqda, agar manfaatli taklif tushsa "bo‘rilar" uni boshqa jamoaga qo‘yib yuborishga qarshi emas.
Eldorning "Roma" bilan amaldagi shartnomasi 2026 yilga qadar tuzilgan. U o‘tgan mavsumning ikkinchi yarmini ijara asosida «Spesiya» safida o‘tkazdi. Ammo bu jamoa mavsum so‘ngida B seriyaga tushib ketdi.
