"Brayton" yarim himoyachisi Moyses Kaysedo Londonning "Chelsi"siga o‘tishini kutishda davom etmoqda. Jurnalist Fabrisio Romanoning so‘zlariga ko‘ra, klublar 21 yoshli ekvadorlik futbolchining narxi borasida hamon kelishmayapti, biroq shunga qaramay, muzokaralar bosqichma-bosqich rivojlanib bormoqda.
"Chelsi" avvalroq Kaysedoni turli bonuslar bilan 80 million yevroga sotib olishga urinib ko‘rdi, ammo "Brayton" ko‘proq xohlashini aniq aytdi. Hozirda klublar o‘rtasidagi muzokaralar davom etmoqda.
Kaysedoning o‘zi avvalroq "Chelsi" bilan shaxsiy shartnoma shartlari bo‘yicha kelishib olganini tan olgandi.