"Брайтон" ярим ҳимоячиси Мойсес Кайседо Лондоннинг "Челси"сига ўтишини кутишда давом этмоқда. Журналист Фабрицио Романонинг сўзларига кўра, клублар 21 ёшли эквадорлик футболчининг нархи борасида ҳамон келишмаяпти, бироқ шунга қарамай, музокаралар босқичма-босқич ривожланиб бормоқда.
"Челси" аввалроқ Кайседони турли бонуслар билан 80 миллион еврога сотиб олишга уриниб кўрди, аммо "Брайтон" кўпроқ хоҳлашини аниқ айтди. Ҳозирда клублар ўртасидаги музокаралар давом этмоқда.
Кайседонинг ўзи аввалроқ "Челси" билан шахсий шартнома шартлари бўйича келишиб олганини тан олганди.
