Fabrisio Romanoning so‘zlariga ko‘ra, "Al-Ittifoq" klubi hujumchi Mussa Dembelega Saudiya Arabistoniga o‘tish taklifi bilan murojaat qilgan.
Futbolchi "Lion"ni tark etganidan keyin erkin agent hisoblanadi. Manbaga ko‘ra, uning agenti bilan muzokaralar olib borilmoqda.
“Al-Ittifoq”ning asosiy maqsadi “Liverpul” yarim himoyachisi Jordan Xenderson bilan shartnoma tuzish. Dembele Saudiya Arabistonida ham, Yevropada ham turli imkoniyatlarni ko‘rib chiqmoqda.
Dembele o‘tgan mavsumda "Lion" safida barcha turnirlar doirasida 28 ta o‘yinda maydonga tushib, 3 ta gol urdi va 1 ta golli uzatmani amalga oshirdi. Transfermarkt portali futbolchining narxini 12 million yevroga baholamoqda.