Фабрицио Романонинг сўзларига кўра, "Ал-Иттифоқ" клуби ҳужумчи Мусса Дембелега Саудия Арабистонига ўтиш таклифи билан мурожаат қилган.
Футболчи "Лион"ни тарк этганидан кейин эркин агент ҳисобланади. Манбага кўра, унинг агенти билан музокаралар олиб борилмоқда.
“Ал-Иттифоқ”нинг асосий мақсади “Ливерпуль” ярим ҳимоячиси Жордан Хендерсон билан шартнома тузиш. Дембеле Саудия Арабистонида ҳам, Европада ҳам турли имкониятларни кўриб чиқмоқда.
Дембеле ўтган мавсумда "Лион" сафида барча турнирлар доирасида 28 та ўйинда майдонга тушиб, 3 та гол урди ва 1 та голли узатмани амалга оширди. Transfermarkt портали футболчининг нархини 12 миллион еврога баҳоламоқда.
